यस्तो छ सोमबारको माैसम पूर्वानुमान

काठमाडाैँ– हाल देशमा पश्चिमी वायु तथा स्थानीय वायुको प्रभावले गर्दा आंशिकदेखि साधारणतया बदली रहेको छ। माैसम पूर्वानुमान महाशाखाका अनुसार सोमबार दिनभर कोशी र मधेश प्रदेशका साथै पहाडी भूभागमा केही बदली रहनेछ।

कोशी, मधेश, बागमती र गण्डकी प्रदेशका पहाडी भू-भागका थोरै स्थानहरू र बाँकी भूभागका एक/दुई स्थानमा मेघगर्जन र चट्याङसहित हल्का वर्षाको सम्भावना रहेको माैसम पूर्वानुमान गरिएको छ। साथै कोशी, बागमती र गण्डकी प्रदेशको उच्च पहाडी तथा हिमाली भेगका केही स्थानमा हिमपातको समेत सम्भावना रहेको छ।

यस्तै, राति कोशी प्रदेशलगायत देशका पहाडी भू-भागमा आंशिकदेखि साधारणतया बदली रही बाँकी भागमा मूख्यतया सफा रहनेछ। कोशी प्रदेशलगायत गण्डकी प्रदेशको पहाडी भू-भागका एक/दुई स्थानमा मेघगर्जन र चट्याङसहित हल्का वर्षाको सम्भावना रहेको छ।