संखुवासभामा चट्याङ लागेर ४ जना घाइते

किमाथांका– संखुवासभाको खाँदबारी नगरपालिका–९ साठीमुरेमा चट्याङ लागेर चार जना घाइते भएका छन्।

सोमबार साँझ हावाहुरी तथा पानीसँगै परेको चट्याङ लागेर खाँदबारी–९ साठीमुरेमा एकैपरिवारका चार जना घाइते भएको डीएसपी दक्षकुमार बस्नेतले जानकारी दिए। 

घाइते हुनेमा कोपिला श्रेष्ठ, १८ वर्षीय छोरा गगन श्रेष्ठ, १८ वर्षीया बुहारी बविता मगर र १३ वर्षीया छोरी निरुता श्रेष्ठ रहेका छन्। 

उनीहरूको जिल्ला अस्पतालमा उपचार भइरहेको छ। उपचाररत चारैजना खतरामुक्त रहेका अस्पतालले जनाएको छ।