१ लाख ९० हजार रुपैयाँ नाघ्यो सुनको मूल्य

काठमाडौँ– नेपाली बजारमा सुनको मूल्य तोलाको १ लाख ९० हजार रुपैयाँ नाघेको छ।

नेपाल सुनचाँदी व्यवसायी महासंघका अनुसार बिहीबार छापावाल सुन तोलामा १ लाख ९० हजार ६०० रुपैयाँ पुगेको छ। यो हालसम्मकै उच्च मूल्य हो।

सुन एकैदिन तोलामा ३ हजार ६०० रुपैयाँले बढेको हो। बुधबार २ हजार ७०० रुपैयाँले बढेर १ लाख ८७ हजार रुपैयाँमा कारोबार भएको थियो। मंगलबार प्रतितोला १ लाख ८४ हजार ३०० रुपैयाँ थियो। 

चाँदीको मूल्य पनि बढेको छ। चाँदी तोलामा ५ रुपैयाँले बढेर तोलाको १ हजार ९६० रुपैयाँ कायम भएको महासंघले जनाएको छ।