कोशी, गण्डकी, कर्णाली र सुदूरपश्चिममा आंशिक बदली

काठमाडौँ– नेपालमा मुख्यतया स्थानीय वायुको आंशिक प्रभाव रहेको छ।

मौसम पूर्वानुमान महाशाखाका अनुसार देशका अधिकांश स्थानमा अधिकतम र न्यूनतम तापक्रम बढिरहेको छ। कोशी, गण्डकी, कर्णाली र सुदूरपश्चिमका पहाडी भूभागमा आंशिक बदली रही बाँकी स्थानको मौसम मुख्यतया सफा रहेको छ।

दिउँसो कोशी, गण्डकी, कर्णाली र सुदूरपश्चिमका पहाडी भूभागमा आंशिकदेखि सामान्य बदली रहनेछ। कोशी, गण्डकी र कर्णालीका पहाडी भूभागमा चट्याङसहित हल्का वर्षाको सम्भावना छ। 

गण्डकी र कर्णालीका उच्च पहाडी तथा हिमाली भूभागका एक–दुई स्थानमा हिमपातसमेत हुनेछ। कोशी, गण्डकी र कर्णालीका पहाडी भूभागमा चट्याङसहित हल्का वर्षा तथा लुम्बिनी र सुदूरपश्चिमका तराईका भूभागमा तातो लहरको समेत सम्भावना छ। त्यसबाट बच्न आवश्यक सतर्कता अपनाउन महाशाखाले अनुरोध गरेको छ।