भारतको गोवास्थित मन्दिरमा भागदौड हुँदा ६ जनाको मृत्यु

भारतको तटीय राज्य गोवामा रहेको एक हिन्दू मन्दिरमा भागदौड मच्चिँदा ६ जनाको मृत्यु भएको छ। आगो बाल्नका लागि हजारौँ मानिस भेला भएको बेला भएको घटनामा कम्तीमा ८० जना घाइते भएका छन्।

स्थानीय प्रहरीका अनुसार शुक्रबार साँझ जात्रामा भाग लिन ठूलो संख्यामा भक्तजन मन्दिरतिर गइरहेका थिए। सोही समयमा पसल अगाडि बिजुलीको तारले करेन्ट लागेर केही मानिस लडे। त्यसपछि त्यहाँ भागदौड मच्चिएको थियो।

गोवाका मुख्यमन्त्री प्रमोद सावन्तले एक विज्ञप्ति जारी गर्दै शिरगाओ गाउँको लैराई देवी मन्दिरमा शनिबार बिहान भएको भागदौडले आफूलाई दुःखी बनाएको बताएका छन्।  

लैराई जात्रा गोवामा एक प्रमुख हिन्दू उत्सव हो र यो आगोमा पैदल हिँड्ने समारोहका रूपमा चिनिन्छ। भारतीय धार्मिक चाडहरूमा भागदौड मच्चिँदा बेलाबेला घातक दुर्घटना हुने गरेका छन्। 

हालै उत्तरी शहर प्रयागराजमा कुम्भ मेलामा भएको भागदौडमा कम्तीमा ३० जनाको मृत्यु भएको थियो।