मर्मतपछि कान्तिलोकपथ सडक सञ्चालनमा

बागमती– हेटौँडा–काठमाडौँ जोड्ने कान्तिलोकपथ सडकमा आइतबार दिउँसोदेखि सवारीआवागम सुचारु भएको छ।

मकवानपुरको भीमफेदी गाउँपालिका–८ र ललितपुरको बागमती गाउँपालिका–२ जोड्ने बागमती खोलामा बनाइएको डाइभर्सन वर्षासँगै आएको बाढीले बगाएपछि सडक अवरुद्ध थियो।

सडक मर्मतसम्भार गरेपछि आइतबार दिउँसो १ बजेदेखि सडकमा यातायात सञ्चालन भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक श्यामु अर्यालले जानकारी दिए। यो सडकखण्डमा केही दिनदेखि स्तरोन्नतिको काम भइरहेको छ।