रुकुमपश्चिम जिप दुर्घटनामा मृतकको संख्या २ पुग्यो

रुकुमपश्चिम– सानीभेरी गाउँपालिका–१० अमलाटाकुरीस्थित सिम्लीबाट तिमिले जोड्ने भित्री सडकखण्डमा जिप दुर्घटना हुँदा घाइते भएका थप एक जनाको उपचारका लागि अस्पताल लैजाँदै गर्दा बाटोमा मृत्यु भएको छ।

चौरजहारी नगर अस्पतालमा उपचारका लागि लैजाँदै गर्दा सानीभेरी गाउँपालिका–१० की ४४ वर्षीया लीला ओलीको मृत्यु भएको हो। यसअघि सोमबार दिउँसो लुप्र०२००१च ०१७७ नम्बरको जिप ब्रेक फेल भई दुर्घटना हुँदा सानीभेरी गाउँपालिका–१० का ५० वर्षीय नरबहादुर ओलीको घटनास्थलमै मृत्यु भएको थियो। मृत्यु हुने श्रीमान् श्रीमती हुन्।

दुर्घटनामा परी दुई जना घाइते भएको जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले जानकारी दिए। उनका अनुसार जिपचालक  दाङ तुलसीपुर उपमहानगरपालिका–७ का लीलामणि भण्डारी र दुर्गा ओली घाइते भन्।

घाइतेको अवस्था गम्भीर रहेको प्रहरीले जनाएको छ। घाइतेहरूको चौरजहारी नगर अस्पतालमा उपचार भइरहेको प्रहरीले जनाएको छ।