प्रतिनिधिसभामा प्रिबजेटमाथि १८ घण्टा छलफल हुने

आगामी आर्थिक वर्षका लागि विनियोजन विधेयकका सिद्धान्त र प्राथमिकताका सम्बन्धमा मंगलबारदेखि प्रतिनिधिसभामा छलफल प्रारम्भ भएको छ।

उकालो

मंगलबार, ३० बैशाख, २०८२

प्रतिनिधिसभामा प्रिबजेटमाथि १८ घण्टा छलफल हुने

काठमाडौँ– प्रतिनिधिसभामा विनियोजन विधेयकका सिद्धान्त र प्राथमिकता (प्रिबजेट) माथि करिब १८ घण्टा छलफल हुने भएको छ।

आगामी आर्थिक वर्ष २०८२/८३ का लागि विनियोजन विधेयकका सिद्धान्त र प्राथमिकताका सम्बन्धमा (कर प्रस्ताव बाहेक) मंगलबारदेखि प्रतिनिधिसभामा छलफल प्रारम्भ भएको छ।

सभामुख देवराज घिमिरेको अध्यक्षमा बसेको कार्यव्यवस्था परामर्श समितिको बैठकले समयसीमा निर्धारण गरेको हो। कार्य तालिकाअनुसार मंगलबार चार घण्टा, बुधबार पाँच घण्टा, जेठ १ गते चार घण्टा तथा जेठ २ गते पाँच घण्टा छलफल हुनेछ।

दलीय आधारमा समयसीमा निर्धारण गरिएको छ। नेपाली कांग्रेस र नेकपा एमालेले पाँच–पाँच घण्टा, नेकपा माओवादी केन्द्रले दुई घण्टा, राष्ट्रिय स्वतन्त्र पार्टीले ८२ मिनेट, राष्ट्रिय प्रजातन्त्र पार्टीले ५० मिनेट, नेकपा एकीकृत समाजवादीले ४० मिनेट, जनता समाजवादी पार्टीले २८ मिनेट, जनमत पार्टीले २४ मिनेट समय पाएका छन्।

यस्तै, जनता समाजवादी पार्टी नेपालले १६ मिनेट, लोकतान्त्रिक समाजवादी पार्टी नेपालले १६ मिनेट, नागरिक उन्मुक्ति पार्टीले १६ मिनेट तथा नेपाल मजदुर किसान पार्टी, राष्ट्रिय जनमोर्चा, आम जनता पार्टी र स्वतन्त्र सांसदले समान पाँच–पाँच मिनेट समय पाएका छन्।

प्रतिक्रिया दिनुहोस !