कांग्रेससँग माओवादी र एकीकृत समाजवादीको प्रस्ताव : प्रमुख तीन पद एक–एक दलले बाँडौँ

काठमाडौँ– बालुवाटारमा जारी गठबन्धनको बैठकमा माओवादी र एकीकृत समाजवादीले प्रधानमन्त्री, राष्ट्रपति र सभामुख तीन पार्टीले बाँडफाट गर्नुपर्ने अर्को प्रस्ताव राख्ने भएका छन्। 

बिहान बसेको माओवादीको पदाधिकारी बैठक र समाजवादीको आन्तरिक छलफलमा यो प्रस्ताव राख्नुपर्ने धारणा राखेका थिए। सोही अनुसार अहिलेको बैठकमा प्रस्ताव राख्ने तयारी छ।

तीन प्रमुख पदमा भागबन्डा हुदा पहिला कांग्रेसले एक पद रोज्नुपर्ने र बाँकी दुई पद माओवादी र समाजवादीलाई दिनुपर्ने प्रस्ताव छ। कांग्रेसले प्रधानमन्त्री र राष्ट्रपति दुवैमा दाबी नछाड्ने अवस्था देखिएपछि माओवादी र समाजवादीले यो विकल्पको प्रस्ताव राख्ने तयारी गरेका हुन्। 

यद्दपी यसमा सहमति हुन्छ वा हुँदैन टुंगो लागेको छैन। बालुवाटारमा अहिले सत्ता गठबन्धनको बैठक जारी छ।