वसुन्धरामामा स्कुटर दुर्घटना हुँदा एक जनाको मृत्यु

काठमाडौँ– काठमाडौँको वसुन्धरामा दुर्घटनामा परी एक किशोरीको मृत्यु भएको छ।

काठमाडौँ महानगरपालिका–३ वसुन्धरा सडकमा म प्र ०२–०३४ प ६२५७ नम्बरको स्कुटरले पैदलयात्रुलाई ठक्कर दिँदा स्कुटरमा सवार महोत्तरी घर भई काठमाडौँको चाबहिल बस्ने १८ वर्षीया मनीषा परियारको मृत्यु भएको हो। 

दुर्घटनामा गम्भीर घाइते भएकी उनको उपचारका क्रममा ग्रिनसिटी अस्पतालमा सोमबार मृत्यु भएको प्रहरी प्रधान कार्यालयले जनाएको छ।

दुर्घटनामा गम्भीर घाइते पैदलयात्रुको सोही अस्पतालमा उपचार भइरहेको प्रहरीले जनाएको छ। प्रहरीले स्कुटर चालकलाई नियन्त्रणमा लिएर आवश्यक अनुसन्धान थालेको छ।