लमजुङमा आगलागी, १ जनाको मृत्यु

लमजुङ– सुन्दर बजार नगरपालिका–९ बुद्धटोलस्थित भरत थापाको घरमा आगलागी हुँदा एक जनाको मृत्यु भएको छ। 

जिल्ला प्रहरी कार्यालयका सूचना अधिकारी राजकिशोर शाहीका अनुसार आगलागीमा परी दोर्दी गाउँपालिका–१ की ७० वर्षीया मिठी थापाको मृत्यु भएको हो। उनी सो घरमा भाडामा बसेकी थिइन्। 

बुधबार बिहान करिब साढे तीन बजे घरमा आगलागी भएपछि  प्रहरी र स्थानीयले कोठाको ढोका फोरेर उनलाई बाहिर निकालेका थिए। जलेर गम्भीर घाइते भएकी उनको बेँसीसहरस्थित प्रदेश अस्पतालमा उपचारका क्रममा मृत्यु भएको हो।