जेठ १५ सम्ममा मनसुन नेपाल भित्रिने पूर्वानुमान

काठमाडौँ– नेपालमा यस वर्ष मनसुन चाँडो भित्रिने पूर्वानुमान गरिएको छ। 

विगतमा देशको पूर्वी भागबाट मनसुनको आगमन जेठ ३० गतेतिर हुने गरेको भए पनि यस वर्ष चाँडो हुने मौसम पूर्वानुमान महाशाखाले जनाएको छ। 

महाशाखाका मौसमविद् डेभिड ढकालका अनुसार जेठ १३ गते भारतको आसामका केही भाग तथा भुटान र बांग्लादेशको पूर्वी भागसम्म मनसुनको आगमन भइसकेको छ। 

भूउपग्रहबाट प्राप्त बादलका तस्वीर, वायुमण्डलीय तथा मौसम विश्लेषणका आधारमा जेठ १७ सम्ममा त्यो नेपाल भित्रिसक्ने उनले बताए। यस वर्ष वार्षिक सरदरभन्दा बढी वर्षा हुने महाशाखाको प्रक्षेपण छ।