चेल्सीले जित्यो कन्फेरेन्स लिगको उपाधि

काठमाडौँ– युईएफए कन्फरेन्स लिगको उपाधि चेल्सीले जितेको छ।

बुधबार राति सम्पन्न फाइनलमा रियल बेटिसलाई ४-१ ले पराजित गर्दै चेल्सी कन्फेरेन्स लिग च्याम्पियन बनेको हो। 

चेल्सी पहिलो हाफमा १-० ले पछि परेको थियो। दोस्रो हाफमा कमब्याक गर्दै ४ गोल गरेको थियो।

रियल बेटिसका लागि अबडे इजालजोउलीले नवौँ मिनेटमा गोल गर्दै टोलीलाई अग्रता दिलाएका थिए। चेल्सीका लागि इन्जो फर्नानडेज, निकोलस ज्याक्सन, जाडोन सान्चो र मोइयस काइसेडोले गोल गरे। चेल्सीले सबै गोल ६५ मिनेटपछि गरेको हो। 

योसँगै चेल्सी युईएफएको च्याम्पियन्स लिग, युरोपा लिग, कन्फेरेन्स कप, सुपर कप र कप विनर्स कप जित्ने पहिलो क्लब बनेको छ।