अर्थमन्त्री पौडेल र आईएमएफ मिसन प्रमुखबीच शिष्टाचार भेटवार्ता

विदेशी मुद्रा सञ्चिति घटेर भुक्तानी सन्तुलन निकै कमजोर भएपछि नेपालले सन् २०२२ मा ३९ करोड ५९ लाख अमेरिकी डलर बराबरको ईसीएफ सुविधा लिएको थियो।

उकालो

सोमबार, १९ जेठ, २०८२

अर्थमन्त्री पौडेल र आईएमएफ मिसन प्रमुखबीच शिष्टाचार भेटवार्ता

काठमाडाैँ– उपप्रधान तथा अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आईएमएफ) मिसन प्रमुख सरवत जहांबीच शिष्टाचार भेटवार्ता भएको छ।

आज अर्थमन्त्रालयमा भएको भेटवार्तामा विस्तारित कर्जा सुविधा (एक्सटेन्डेड क्रेडिट फेसिलिटी– ईसीएफ) को छैटौँ समीक्षा, संरचनागत सुधारलगायतका विषयमा छलफल भएको अर्थमन्त्री पौडेलको सचिवालयले जनाएको छ।

विदेशी मुद्रा सञ्चिति घटेर भुक्तानी सन्तुलन निकै कमजोर भएपछि नेपालले सन् २०२२ मा ३९ करोड ५९ लाख अमेरिकी डलर बराबरको ईसीएफ सुविधा लिएको थियो। जुन नेपालले पाउने स्पेसल ड्रइङ राइट (एडीआर) कोटाको १८० प्रतिशत बराबर हो। बजेट वित्तपोषण (बजेट फाइनान्सिङ)का लागि चार वर्षमा विभिन्न किस्तामा भुक्तानी गर्नेगरी आइएमएफले यो सुविधा उपलब्ध गराएको थियो।

उक्त कर्जा सुविधाको छैटौं समीक्षाका लागि आईएमएफ मिसन टोली नेपाल आएको हो।

प्रतिक्रिया दिनुहोस !