तोलामा ३ हजार रुपैयाँले घट्यो सुनको मूल्य

काठमाडौँ– नेपाली बजारमा आइतबार सुनचाँदीको मूल्य घटेको छ। शुक्रबारको तुलनामा प्रतितोला सुन ३ हजार तथा चाँदी ५ रुपैयाँले घटेको हो। 

नेपाल सुनचाँदी व्यवसायी महासंघका अनुसार आज एक तोला सुनको मूल्य १ लाख ९० हजार ७०० रुपैयाँ कायम भएको छ। सोही परिमाणको चाँदीको मूल्य २ हजार १४५ रुपैयाँ निर्धारण भएको छ।

अन्तर्राष्ट्रिय बजारमा भने एक औँस सुनको मूल्य तीन हजार ३११ डलर रहेको छ।