पर्सामा कार दुर्घटनामा परी १ जनाको मृत्यु, ३ घाइते

पर्सा– कार दुर्घटना हुँदा एक जनाको मृत्यु भएको छ भने तीन जना घाइते भएका छन्।

वीरगन्ज महानगर–१४ पिपरा रेनुका पेट्रोल पम्पनजिक गण्डकबाट बसपार्कतर्फ जाँदै गरेको बिआर ५५ बि ९१०४ नम्बरको कार अनियन्त्रित भएर दुर्घटना भएको थियो।

दुर्घटनामा भारतको बेतिया नरकटियागन्ज स्थायी घर भएका ३० वर्षीय बिटु सर्राफको मृत्यु भएको प्रहरीले जनाएको छ।

जिल्ला प्रहरी कार्यालय प्रमुख, प्रहरी नायब उपरीक्षक सुवास भट्टले दुर्घटनामा चारै जना घाइते भएकामा उपचारका लागि एलएस न्यूरो अस्पताल, बारा पठाइएकोमा एक जनाको मृत्यु भएको जानकारी दिए।

कार चालक गणेश सर्राफसहित त्यसमा सवार अन्य दुई जनाको सोही अस्पतालमा उपचार भइरहेको छ।