सुनचाँदीको मूल्यमा सामान्य वृद्धि

काठमाडौँ– नेपाली बजारमा सुनचाँदीको मूल्य बढेको छ। सुन तोलामा १ हजार ३०० र चाँदीमा १५ रुपैयाँले बढोत्तरी भएको हो।

नेपाल सुनचाँदी व्यवसायी महासंघका अनुसार बुधबार एक तोला सुनको मूल्य १ लाख ९१ हजार ३०० रुपैयाँ कायम भएको छ। मंगलबार १ लाख ९० हजार रुपैयाँ थियो। 

एक तोला चाँदी २ हजार १६५ रुपैयाँमा कारोबार भइरहेको छ। अघिल्लो दिन चाँदी तोलाको २ हजार १५० रुपैयाँ थियो।

अन्तर्राष्ट्रिय बजारमा आज एक औँस सुन ३ हजार ३४१ अमेरिकी डलरमा कारोबार भइरहेको छ।