भारतको केदारनाथ मन्दिर नजिकै हेलिकप्टर दुर्घटना, ७ जनाको मृत्यु

भारत उत्तराखण्डको केदारनाथ मन्दिर नजिकै हेलिकप्टर दुर्घटना हुँदा सात जनाको मृत्यु भएको छ। 

प्रतिकूल मौसमबीच गौरीकुण्डको जंगलमा भएको दुर्घटनामा हेलिकप्टरमा सवार सबैको मृत्यु भएको हो।

मृत्यु हुनेमा ६ जना तीर्थयात्री र एक पाइलट रहेको रुद्रप्रयाग जिल्ला विपद् व्यवस्थापन अधिकारी नन्दन सिंह राजवारले बताएका छन्। 

उक्त हेलिकप्टर देहरादुनबाट तीर्थयात्री बोकेर केदारनाथका लागि उडेको थियो।