तेहरान नजिकैका रिफाइनरी र तेल डिपो इजरायलको निशानामा

इजरायलले इरानको राजधानी तेहरान नजिकैको रिफाइनरी र तेल डिपोलाई निशाना बनाएर आक्रमण गरिरहेको छ।

इजरायली सैन्य प्रवक्ताले तेहरानको तोकिएको क्षेत्र खाली गर्न इरानलाई चेतावनी जारी गरेको केही समयपछि आक्रमण अझ चर्किएको हो। 

रोयटर्सका अनुसार सामाजिक सञ्जालमा शेयर गरिएका दृश्यमा तेहरानको उत्तरपूर्वमा, ताजरिशको छिमेक नजिकै ठूलो आगो लागेको देखाएको छ। मध्यपूर्वका यी दुई मुलुकबीच चलिरहेको युद्ध बुधबार छैटौँ दिनमा प्रवेश गरेको छ ।

बुधबार बिहान इरानले इजरायलतर्फ लगभग १० वटा ब्यालिस्टिक मिसाइल प्रहार गरेपछि तेल अभिभमा पनि विस्फोटका आवाजहरू सुनिएका थिए। 

इजरायल र इरान दुवैले द्वन्द्व बढाउने योजना बनाएको संकेत गरेका छन्, जसका कारण लगातार पाँच दिनसम्म दुवै पक्षले क्षेप्यास्त्र हानाहान गरेका छन्।