तोलामा ९०० रुपैयाँले बढ्यो सुनको मूल्य

काठमाडौँ– नेपाली बजारमा बुधबार पनि सुनको मूल्य बढेको छ। बजार खुल्दा सुन तोलामा ९०० र चाँदी ६५ रुपैयाँले बढेको हो। 

नेपाल सुनचाँदी व्यवसायी महासंघका अनुसार आज एक तोला सुनको मूल्य १ लाख ९५ हजार ९०० रुपैयाँ कायम भएको छ भने एक तोला चाँदी २ हजार २२५ मा कारोबार भइरहेको छ। 

मंगलबार सुन प्रतितोला १ लाख ९५ हजार रुपैयाँमा कारोबार भएको थियो। अन्तर्राष्ट्रिय बजारमा आज एक औँस सुन ३ हजार ३९३ अमेरिकी डलरमा कारोबार भइरहेको छ।