भारत हुँदै अवैधरूपमा खाडी मुलुक जान लागेका ५ जना नियन्त्रणमा

भारतीय नाका हुँदै अवैधरूपमा खाडी मुलुक जान लागेका चार महिलासहित एक पुरुषलाई सशस्त्र प्रहरीले ठोरीबाट नियन्त्रणमा लिएको हो।

उकालो

बुधबार, ४ असार, २०८२

भारत हुँदै अवैधरूपमा खाडी मुलुक जान लागेका ५ जना नियन्त्रणमा

काठमाडाैँ– सशस्त्र प्रहरी बल नेपाल पर्साले अवैधरूपमा भारतीय नाका हुँदै खाडी मुलुक जान लागेका चार महिलासहित एक पुरुषलाई ठोरीबाट नियन्त्रणमा लिएको छ।

सशस्त्र प्रहरी बल नेपाल बिओपी ठोरीबाट खटिएका सशस्त्र प्रहरीले शंका लागेर जाँच गर्ने क्रममा अवैध बाटो हुँदै खाडी मुलुक कुवेत र ओमन जान लागेका उनीहरूलाई पक्राउ गरेको हो।

“पक्राउ परेकामध्ये इलामका दुई महिला ओमन जाने बताएका छन् भने रोल्पाका दुई महिला नयाँ दिल्लीमार्फत खाडी मुलुक जान लागेको बताएका छन्,” सशस्त्र प्रहरी बल नेपाल बीओपी ठोरीका सशस्त्र प्रहरी निरीक्षक प्रेम राउतले भने, “उनीहरूलाई भारत लैजान लागेको आशंकामा चितवन माडी नगरपालिका–८ का दीपक खड्कालाई पनि नियन्त्रणमा लिएर आवश्यक अनुसन्धान गरिरहेका छौँ।”

सशस्त्र प्रहरीले इलामका दुई जना महिलाको साथबाट भिसा नभएको दुई वटा राहदानीसमेत फेला पारेको छ। सशस्त्र प्रहरीले आवश्यक सोधपुछ गरेसँगै पक्राउ परेका पाँचै जनालाई आवश्यक कागजात तयार पारेर आजै इलाका प्रहरी कार्यालय ठोरीलाई हस्तान्तरण गर्ने जनाएको छ।

प्रतिक्रिया दिनुहोस !