तोलामा ८०० रुपैयाँले घट्यो सुनको मूल्य

काठमाडौँ– नेपाली बजारमा सुनचाँदीको मूल्य घटेको छ। सुन तोलामा ८०० र चाँदी ५० रुपैयाँले घटेको  नेपाल सुनचाँदी व्यवसायी महासंघले जनाएको छ। 

महासंघका अनुसार शुक्रबार एक तोला सुनको मूल्य १ लाख ९४ हजार ७०० रुपैयाँ र चाँदीको मूल्य २ हजार १५० रुपैयाँ निर्धारण भएको छ। बिहीबार सुन प्रतितोला १ लाख ९५ हजार ५०० र चाँदी २ हजार २०० रुपैयाँमा कारोबार भएको थियो।

अन्तर्राष्ट्रिय बजारमा एक औँस सुन ३ हजार ३०० अमेरिकी डलरमा खरिदबिक्री भइरहेको छ।