नेपालले इन्डोनेसियालाई दियो ४२१ रनको लक्ष्य, प्रसिद्धको शतक

नेपालले प्रसिद्ध जैसीको शतकमा ५ विकेट गुमाउँदै ४२० रनको योगफल तयार पारेको हो।  जैसीले ११४ बलमा १५ चौका र १ छक्काको मद्दतमा १३२ रनको शानदार शतकीय पारी खेले।

उकालो

आइतबार, १५ असार, २०८२

नेपालले इन्डोनेसियालाई दियो ४२१ रनको लक्ष्य, प्रसिद्धको शतक

काठमाडौँ– मलेसियामा जारी एसीसी मेन्स यू१६ इस्ट जोन क्रिकेटमा नेपालले इन्डोनेसियालाई ४२१ रनको लक्ष्य दिएको छ। 

क्वालालम्पुरस्थित सेलांगर टर्फ क्लबमा टस हारेर पहिले ब्याटिङको निम्तो पाएको नेपालले प्रसिद्ध जैसीको शतकमा ५० ओभरमा ५ विकेट गुमाउँदै ४२० रनको योगफल तयार पारेको हो।  

जैसीले ११४ बलमा १५ चौका र १ छक्काको मद्दतमा १३२ रनको शानदार शतकीय पारी खेले। रौनक श्रीवास्तवले ७१ बलमा ८ चौका र २ छक्का मद्दतमा ८८ रन बनाए। 

परिमार्जन यादवले २८ बलमा ४ चौका र ८ छक्का प्रहार गर्दै ७१ रन बनाए। जोय थापाले ४१ बलमा ५७ रन बनाए।

इन्डोनेसियाका केतुत दर्मा पुत्राले २ विकेट लिए भने काभिन नीरज, महेन्द्रा आजी र रेहान रिजाले १-१ विकेट लिए।

यसअघि नेपालले पहिलो खेलमा सिंगापुर र दोस्रो खेलमा जापानलाई हराएको थियो।

प्रतिक्रिया दिनुहोस !