त्रिशूलीको बाढीमा फसेका २ जनाको हेलिकप्टरबाट उद्धार

काठमाडौँ– त्रिशूली नदीको बाढीमा फसेका दुई जनाको हेलिकप्टरमार्फत उद्धार गरिएको छ। 

नुवाकोटको विदुर नगरपालिका–१ लभडाडास्थित मिलन चौताराका ६७ वर्षीय पाल्देन तामाङ र उनी श्रीमती ६२ वर्षीया मंगली तामाङको उद्धार गरिएको राष्ट्रिय विपद् जोखिम न्यूनीकरण व्यवस्थापन प्राधिकरणले जनाएको छ।

त्रिशूली नदी किनारामा दाउरा काट्न गएका उनीहरू एक्कासि बाढी आएपछि रुखमा चढेर बसेका थिए।