बाढीपहिरोले देशभर १० राजमार्ग पूर्ण रूपमा अवरुद्ध

अवरुद्ध भएका बनेपा–नाला–भक्तपुर, बागलुङको कालीगण्डकी करिडोर र रोल्पास्थित शहीद राजमार्ग भने एकतर्फी रूपमा सञ्चालन भएका छन्।

उकालो

बुधबार, २५ असार, २०८२

बाढीपहिरोले देशभर १० राजमार्ग पूर्ण रूपमा अवरुद्ध
तस्वीर: रासस।

काठमाडौँ– बाढीपहिरोका कारण मुलुकभर १० राजमार्ग पूर्ण रूपमा अवरुद्ध भएका छन्।

प्रहरी प्रधान कार्यालयका अनुसार संखुवासभामा कोशी राजमार्ग, पाँचथरमा मेची राजमार्ग, रसुवामा पासाङल्हामु राजमार्ग, मकवानपुरमा कान्तिलोक पथ, म्याग्दीमा दरवाङ सडक, नवलपरासीमा पूर्वपश्चिम राजमार्ग, डोल्पामा भेरी करिडोर, रुकुम पश्चिममा जाजरकोट–डोल्पा–भेरी करिडोर र बझाङमा जयपृथ्वी राजमार्ग अवरुद्ध भएका हुन्।

अवरुद्ध भएका बनेपा–नाला–भक्तपुर, बागलुङको कालीगण्डकी करिडोर र रोल्पास्थित शहीद राजमार्ग एकतर्फी रूपमा सञ्चालन भएका छन्।

प्रतिक्रिया दिनुहोस !