दाङमा मोटरसाइकल दुर्घटना हुँदा २ जनाको मृत्यु

देउखुरी– दाङको घोराही–रामपुर सडकअन्तर्गत सिस्ने खोलामा सोमबार राति भएको मोटरसाइकल दुर्घटनामा दुई जनाको मृत्यु भएको छ।

मृत्यु हुनेमा मोटरसाइकलमा सवार गढवा गाउँपालिका–८ का १८ वर्षीय रोहित विक र १६ वर्षीय निशान विक रहेका छन्।

तीव्र गतिमा रहेको मोटरसाइकल सिस्ने खोलामा अनियन्त्रित भई दुर्घटना भएको जिल्ला प्रहरी कार्यालय दाङले जनाएको छ। 

स्थानीयले दुवै जनालाई उद्धार गरी राप्ती स्वास्थ्य विज्ञान प्रतिष्ठान, घोराहीमा ल्याएकामा उपचारका क्रममा मृत्यु भएको एसपी अर्जुन तिमल्सिनाले जानकारी दिए।