बबई नदीमा पौडी खेल्ने क्रममा २ जनाको मृत्यु

देउखुरी– बबई नदीमा पौडी खेल्ने क्रममा डुबेर दाङ तुलसीपुरका दुई किशोरको मृत्यु भएको छ। 

बबई गाउँपालिका–४ पुरन्धारा छहरा नजिकै नदीमा पौडी खेल्ने क्रममा उनीहरूको सोमबार डुबेर मृत्यु भएको हो। 

तुलसीपुर उपमहानगरपालिका–२ निवासी १७ वर्षीय विधान केसी र सोही ठाउँका १६ वर्षीय कुशल बुढामगर रहेका छन् ।

हापुरे इलाका प्रहरी कार्यालयका प्रहरी प्रमुख देव केसीका अनुसार साथीहरूसँग पौडी खेल्न गएका उनीहरू नदीमा डुबेका थिए। शव परीक्षणका लागि तुलसीपुरस्थित राप्ती प्रादेशिक अस्पतालमा राखिएको  छ।