जापानमा सरकारले गुमायो बहुमत, तर शिगेरु इशिबा प्रधानमन्त्रीको रूपमा रहने

काठमाडाैँ– आइतबार भएको चुनावमा जापानको सत्तारुढ गठबन्धनले संसदको माथिल्लो सदनमा बहुमत प्राप्त गर्न असफल भएको छ। यसले प्रधानमन्त्री शिगेरु इशिबाको राजनीतिक स्थितिलाई अझ चुनौतीपूर्ण बनाएको छ।

लिबरल डेमोक्रेटिक पार्टी (एलडीपी) नेतृत्वको गठबन्धनले २४८ सदस्यीय माथिल्लो सदनमा केवल ४७ सिट जित्यो, जुन बहुमतको लागि आवश्यक ५० सिटभन्दा कम थियो। यसलाई एलडीपीको १५ वर्षमा सबैभन्दा खराब नतिजा बताइएको छ।

जापानको संसदीय प्रणालीमा तल्लो सदनलाई बढी शक्तिशाली मानिन्छ। सत्तारुढ गठबन्धनले गत वर्ष अक्टोबरमा तल्लो सदनमा पनि बहुमत गुमाइसकेको थियो।

यद्यपि, प्रधानमन्त्री इशिबाले आफू आफ्नो पदमा रहने स्पष्ट पारेका छन्। उनले यसको कारण अमेरिकासँगको प्रस्तावित व्यापार सम्झौतालाई उल्लेख गरेका छन्।

इशिबाले भनेका छन्, "जापानले अगस्ट १ सम्ममा अमेरिकासँगको व्यापार सम्झौतालाई अन्तिम रूप दिनुपर्छ। यो मेरो प्राथमिक जिम्मेवारी हो।"