कोशी, बागमती र गण्डकी प्रदेशमा भारी वर्षाको सम्भावना

काठमाडाैँ– काठमाडाैँ उपत्यकासहित देशका विभिन्न भागमा पानी परिरहेको छ।

माैसम पूर्वानुमान महाशाखाका अनुसार गएको १२ घण्टामा कोशी, बागमती र गण्डकी प्रदेशका केही स्थानहरूमा तथा लुम्बिनी, कर्णाली तथा सुदूरपश्चिम प्रदेशका थोरै स्थानहरूमा पानी परेको छ। सबैभन्दा बढी पानी सिन्धुपाल्चोक जिल्ला (५०-५५ मिलिमिटर) तथा मनाङ जिल्ला (४७ मिलिमिटर) मा परेको देखिन्छ।

पानी पार्ने बादल बिस्तारै दक्षिण-पश्चिम सरिरहेकोले हालको लागि ती स्थानहरूमा परेको पानी कम हुँदै जाने महाशाखाले जनाएको छ।

सोमबार दिनभर पनि आंशिकदेखि साधारणतया बदली रहनेछ। कोशी, बागमती र गण्डकी प्रदेशलगायत पहाडी भूभागका केही स्थानहरूमा तथा बाँकी भूभागका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। कोशी, बागमती र गण्डकी प्रदेशका एक/दुई स्थानमा भारी वर्षाको पनि सम्भावना रहेको छ।

यस्तै, राति पनि ती प्रदेशमा भारी वर्षाको सम्भावना रहेकाले सतर्कता अपनाउन महाशाखाले आग्रह गरेको छ।