ठमेलबाट २ किलो सुन र नगदसहित २ चिनियाँ नागरिक पक्राउ

काठमाडौँ– काठमाडौँ उपत्यका अपराध अनुसन्धान कार्यालयको टोलीले ठमेलबाट दुई किलो सुन र २४ लाख रुपैयाँ नगदसहित दुई चिनियाँ नागरिकलाई पक्राउ गरेको छ।

पक्राउ पर्नेमा चीनको सियाचिन घर भएकी ३४ वर्षीया सुमेई चोउ र ४६ वर्षीय चुनलिन थान रहेको काठमाडौँ उपत्यका अपराध अनुसन्धान कार्यालयका सूचना अधिकारी एवं प्रहरी उपरीक्षक काजीकुमार आचार्यले बताए।

उनका अनुसार ठमेलस्थित एक होटलमा बस्दै आएका ती चिनियाँ नागरिकको साथबाट सुन र नगद बरामद गरिएको हो। यस विषयमा थप अनुसन्धान भइरहेको आचार्यले बताए।