बेनी–जोमसोम सडकमा पहिरो: आवतजावत ठप्प

म्याग्दी– मुस्ताङलाई राष्ट्रिय राजमार्गसँग जोड्ने बेनी–जोमसोम सडक अवरुद्ध भएको छ।

म्याग्दीको अन्नपूर्ण र मुस्ताङको थासाङ गाउँपालिकाको सिमानामा रहेको घोप्टेभिरमा खसेको सुक्खा पहिरोका कारण आइतबार बिहानदेखि आवतजावत अवरुद्ध भएको हो। 

सडक अवरुद्ध भएपछि मुस्ताङ जिल्लाको सिधा यातायात सम्पर्क टुटेको छ। पहिरो पन्छाएर सडक खुलाउने प्रयास भइरहेको सप्मा प्रहरी चौकी घाँसाका प्रमुख असई तेजबहादुर कुमालले जानकारी दिए। 

सडक अवरुद्ध हुँदा मुस्ताङ घुम्न जाने र फर्किने पर्यटकका साथै स्थानीय प्रभावित भएका छन्। मुस्ताङतर्फ जानेहरू म्याग्दीको काभ्रे र मुस्ताङ हुँदै म्याग्दीतर्फ आउनेहरू घाँसामा रोकिएका छन्।