सिन्धुलीबाट सम्पर्कविहीन हायू परिवार पोखरामा भेटियो

सिन्धुली– गोलन्जोर गाउँपालिका–६, बिखर कटेरी छेत्पाबाट सम्पर्कविहीन भएको भनिएका एउटै परिवारका १६ जना सदस्यहरू सोमबार जिल्ला प्रहरी कार्यालय पोखराको सम्पर्कमा आएका छन्।

जिल्ला प्रहरी कार्यालय सिन्धुलीका प्रहरी नायब उपरीक्षक सूर्यप्रकाश सुवेदीका अनुसार सबै जना प्रहरीको सम्पर्कमा आएका हुन्।

५२ वर्षीया उर्मिला हायूको परिवारका सबै सदस्यहरू शनिबार बेलुका ईभी गाडी रिर्जभ गरेर पोखरा घुम्न गएको भन्ने सूचना प्राप्त भएको उनले जानकारी दिए। 

सोमबार दिउँसोसम्म उक्त घरमा कोही पनि नदेखिएपछि स्थानीय र प्रहरीले खोजतलास गरेका थिए।