रुसमा ८.८ म्याग्निच्युडको भूकम्प, सुनामीको चेतावनी

रुसको सुदूरपूर्वी कामचट्का प्रायद्वीपमा ८.८ म्याग्निच्युडको शक्तिशाली भूकम्प गएको छ। 

स्थानीय समय अनुसार बुधबार बिहान ११:१५ बजे शक्तिशाली भूकम्प गएको अन्तर्राष्ट्रिय सञ्चार माध्यमले जनाएका छन्। 

अमेरिकी भौगर्भिक सर्वेक्षण संस्थान (यूएसजीएस)का अनुसार भूकम्प रुसको पेट्रोपाभ्लोभ्स्क–काम्चात्स्की शहरबाट करिब १३६ किलोमिटर टाढा र १८.२ किलोमिटर गहिराइमा गएको हो। 

बीबीसीका अनुसार भूकम्पबाट भएको क्षतिको विवरण प्राप्त भइसकेको छैन। भूकम्पपछि रुस, जापान र अमेरिकाको अलास्का तथा हवाईमा सुनामीको चेतावनी दिइएको छ। रुसको कामचट्काका केही भागहरूमा ३-४ मिटर उचाइको सुनामी रेकर्ड गरिएको छ।

उत्तरी जापानको होक्काइडो शहरमा ३० सेन्टिमिटरको पहिलो छाल आएको छ। अधिकारीहरूले त्यसपछिका छालहरू अझ ठूला हुन सक्ने चेतावनी दिएका छन्।

अमेरिकी अधिकारीहरूले अलास्का र हवाईका लागि सुनामी चेतावनी जारी गरेका छन्।