प्रधानमन्त्रीले २६ गते विश्वासको मत लिने, संसद्लाई पठाए पत्र

काठमाडौँ- प्रधानमन्त्री पुष्पकमल दाहाल ‘प्रचण्ड’ले पुस २६ गते विश्वासको मत लिने भएका छन्। 

२६ गते बस्ने प्रतिनिधिसभाको बैठकमा दाहालले विश्वासको मत लिने तयारी गरेको प्रधानमन्त्रीका प्रेस सल्लाहकार सूर्यकिरण शर्माले बताए। प्रतिनिधिसभासहित संघीय संसद् अधिवेशन पुस २५ गते शुरू हुँदैछ। 

प्रधानमन्त्री दाहालले संसद् सचिवालयलाई पत्र लेख्दै पुस २६ गतेको प्रतिनिधिसभा बैठकमा विश्वासको मत लिने कार्यसूची समावेश गर्न आग्रह गरेका हुन्।