कैलालीका प्रजिअ हमाल मन्त्रालय तानिए

काठमाडाैँ– गृहमन्त्रालयले कैलालीका प्रमुख जिल्ला अधिकारी (प्रजिअ) गोगनबहादुर हमाललाई मन्त्रालय तानेको छ।

गृहमन्त्रीले हमाललाई मन्त्रालय तानेर त्यहाँ दाङका प्रजिअ कृष्णप्रसाद लम्साललाई पठाइएको मन्त्रीका प्रेस संयोजक शेरबहादुर सिंहले जानकारी दिए। केही दिनअघि कैलाली कारागारका दुई कैदी समूहबीच झडप भएको थियो।

झडपमा परी एक जना कैदीको मृत्यु भएको थियो भने तीन कैदी गम्भीर घाइते भएका थिए। उक्त घटनाको छानबिनका लागि सहायक प्रमुख जिल्ला अधिकारी किरण जोशीको संयोजकत्वमा ५ सदस्यीय छानबिन समिति गठन भएको छ।