महानगरले भत्कायो स्वीकृतिबिना बनाइएका संरचना [तस्वीरहरू]

काठमाडौँ– काठमाडौँ महानगरपालिकाले नदी करिडोर अतिक्रमण गरेर निर्माण गरिएका भौतिक संरचना भत्काउने कार्य जारी राखेको छ। 

यस क्रममा बिहीबार कालीमाटी क्षेत्रमा बग्ने मनमति खोलामाथि बनेका पक्की पुलसहितका संरचना डोजर र ब्रेकर लगाएर भत्काएको हो।

कालीमाटीबाट बल्खु जाने सडकको १०० मिटरभित्र पर्ने संरचनामा डोजर चलाएको छ। 

खोला अतिक्रमण गरेर निजी प्रयोजनका लागि निर्माण गरिएका संरचना हटाइएको महानगरले जनाएको छ।