करेन्ट लागेर सप्तरीमा दम्पतीको मृत्यु

राजविराज– सप्तरीको कञ्चनरुप नगरपालिका–५ स्थित पिपरामा करेन्ट लागेर दम्पतीको मृत्यु भएको भएको छ।  

मृत्यु हुनेमा ५० वर्षीय बद्री सरदार र उनकी ४५ वर्षीया पत्नी विमलादेवी रहेको इलाका प्रहरी कार्यालय कञ्चनपुरका डीएसपी माधवप्रसाद काफ्लेले जानकारी दिए।

उनका अनुसार  कञ्चनरुप–५ पिपराका महेन्द्र सरदारले जंगली जनावरबाट धानबाली जोगाउन विद्युतीय तार खुला छाडेर बार लगाएका थिए। सोही तारमा परेर सरदार दम्पतीको मृत्यु भएको हो। 

घरदेखि करिब १५० मिटर पूर्वमा रहेको खेतमा जाने क्रममा बाटोमा उनीहरूलाई करेन्ट लागेको थियो।