झापामा ट्रकको ठक्करबाट १ जनाको मृत्यु, १ घाइते

भद्रपुर– दमक नगरपालिका–७ पशुडाँडास्थित पूर्वपश्चिम राजमार्गमा भएको सवारी दुर्घटनामा एक जनाको मृत्यु भएको छ। एक जना घाइते भएका छन्। 

मंगलबार बिहान ८ बजे दमकबाट पाडाजुँगीतर्फ जाँदै गरेको बन्दाकोभी बोकेको प्र१–०२–००२ख ०९१२ नम्बरको मालवाहक ट्रकले विपरीत दिशाबाट आउँदै गरेको प्र१–०१–०१२प ९३१२ नम्बरको मोटरसाइकललाई ठक्कर दिएको थियो। 

ठक्करबाट मोटरसाइकलमा सवार कमल गाउँपालिका–५ की ४२ वर्षीया मुना गौतमको मृत्यु भएको प्रहरीले जनाएको छ। उनका श्रीमान् मोटरसाइकल चालक ४३ वर्षीय सुकदेव गौतम घाइते भएका छन्। गौतमको दमक अस्पतालमा उपचार भइरहेको डीएसपी खगेन्द्रबहादुर खड्काले जानकारी दिए। 

ट्रक चालक तेह्रथुमको लालीगुराँस नगरपालिका–४ का २५ वर्षीय आङदावा शेर्पा, ट्रक र मोटरसाइकललाई इलाका प्रहरी कार्यालयले नियन्त्रणमा लिएको छ।