कोशी, बागमती र गण्डकीमा भारी वर्षा हुने पूर्वानुमान

काठमाडौँ– मौसम पूर्वानुमान महाशाखाका अनुसार दिउँसो देशका पहाडी भूभागमा साधारणतया बदली तथा बाँकी भूभागमा आंशिक बदली रहनेछ। साथै पहाडी र तराईका एक–दुई स्थानमा मध्यम वर्षाको सम्भावना छ। 

त्यसैगरी, राति कोशी, मधेश, बागमती र गण्डकीका केही स्थानमा मध्यम वर्षाको सम्भावना छ। कोशी, बागमती र गण्डकीका पहाडी भूभागका एक–दुई स्थानमा भारी वर्षाको सम्भावना छ। 

महाशाखाले वर्षाका कारण देशका पहाडी भागमा पहिरो तथा गेग्रान बहावको जोखिम रहेको, नदीनाला र खोलामा पानीको सतह बढ्न सक्ने भएकाले सतर्क रहन तथा पूर्वतयारी गर्न अनुरोध गरेको छ।