यस्तो रहनेछ बुधबारको मौसम

काठमाडौँ– मनसुनको न्यूनचापीय रेखा पूर्वतर्फ सरदरभन्दा दक्षिण तथा पश्चिमतर्फ सरदर स्थान आसपास रहेको छ। 

मौसम पूर्वानुमान महाशाखाका अनुसार दिउँसो देशभर साधारणतया बदली रहनेछ। कोशी, मधेश, बागमती र गण्डकीका पहाडी तथा तराईका केही स्थानमा मध्यम वर्षाको सम्भावना छ। कोशी र गण्डकीका पहाडी भूभागका एक–दुई स्थानमा भारी वर्षाको सम्भावना छ।

राति कोशी, गण्डकी र लुम्बिनीलगायत देशका पहाडी भूभागमा साधारणतया बदली रहनेछ। कोशी, बागमती, गण्डकी र लुम्बिनीका केही स्थानमा मध्यम वर्षाको सम्भावना छ। कोशी, गण्डकी र लुम्बिनीका पहाडी र तराईका एक–दुई स्थानमा भारी वर्षाको सम्भावना छ।