देशभर हल्कादेखि मध्यम वर्षाको सम्भावना

काठमाडौँ– मनसुनको न्यूनचापीय रेखा पूर्वमा सरदर स्थानभन्दा उत्तरतर्फ तथा पश्चिममा सरदर स्थान आसपास रहेको छ ।

मौसम पूर्वानुमान महाशाखाका अनुसार दिउँसो देशभर साधारणतया बदली रहनेछ। कर्णाली र सुदूरपश्चिमका तराई र पहाडी भूभागका केही स्थानमा मध्यम वर्षाको सम्भावना छ। बागमती र गण्डकीसहित बाँकी भूभागमा हल्कादेखि मध्यम वर्षा हुनेछ। 

राति देशभर साधारणतया बदली रहने महाशाखाले जनाएको छ। सबै प्रदेशका पहाडी भूभागका केही र तराई भूभागका थोरै स्थानमा मध्यम वर्षाको सम्भावना छ।