तोलाको २ लाख ५ हजार ३०० पुग्यो सुनको मूल्य

काठमाडौँ– नेपाली बजारमा सुनको मूल्यले निरन्तर कीर्तिमान कायम गरिरहेको छ। 

आइतबार स्थानीय बजारमा प्रतितोला २ लाख ३ हजार ६०० रुपैयाँमा किनबेच भएको सुन सोमबार तोलामा १ हजार ७०० रुपैयाँले बढेको हो। 

नेपाल सुनचाँदी व्यवसायी महासंघका अनुसार सोमबार सुन प्रतितोला २ लाख ५  हजार ३०० रुपैयाँमा कारोबार भइरहेको छ। जुन हालसम्मको उच्च मूल्य हो। 

त्यस्तै, चाँदीको मूल्य प्रतितोला २ हजार ४७० रुपैयाँ पुगेको छ। आइतबार प्रतितोला २ हजार ४२५ रुपैयाँमा कारोबार भएको थियो। 

अन्तर्राष्ट्रिय बजारमा सुनको मूल्य प्रतिऔँस अमेरिकी डलर ३ हजार ४८० हाराहारीमा कारोबार भइरहेको छ।