कोशी, बागमती र गण्डकीमा भारी वर्षा हुने पूर्वानुमान

काठमाडौँ– मनसुनको न्यूनचापीय रेखा सरदर स्थानभन्दा दक्षिणतिर अवस्थित छ। जल तथा मौसम पूर्वानुमान महाशाखाले दिउँसो देशभर साधारणतया बदली रहने बताएको छ। 

बागमती, गण्डकी र लुम्बिनीका प्रदेशलगायत पहाडी भूभाग र तराईका केही स्थानमा मध्यम वर्षाको सम्भावना छ। मधेश र लुम्बिनीका केही स्थानमा हुरी चल्ने सम्भावनासमेत रहेको महाशाखाले जनाएको छ। 

त्यसैगरी, राति कोशी र मधेश प्रदेशलगायत पहाडी भागमा साधारणतया बदली र बाँकी भागका केही स्थानमा आंशिक बदली हुनेछ। कोशी, बागमती र गण्डकीका पहाडी भूभागका एक–दुई स्थानमा भारी वर्षाको सम्भावना छ।