सुनचाँदीको मूल्य निरन्तर उकालोतिर

काठमाडौँ– अन्तर्राष्ट्रिय बजारमा सुनचाँदीको मूल्यमा वृद्धि भएसँगै त्यसको प्रभाव नेपाली बजारमा पनि परेको छ।

शुक्रबार प्रतितोला २ लाख १० हजार रुपैयाँमा कारोबार भएको सुन २ हजारले बढेको हो। नेपाल सुनचाँदी व्यवसायी महासंघका अनुसार आइतबार सुन तोलाको २ लाख १२ हजार रुपैयाँ पुगेको छ। 

नेपाली बजारमा केही दिनयता सुनको मूल्य लगातार बढिरहेको छ। भदौ १३ गते सुनको मूल्यले तोलाको २ लाख रुपैयाँ नाघेको थियो। भदौ १ गते तोलाको १ लाख ९५ हजार ५०० रुपैयाँ रहेको थियो।  

चाँदीको मूल्य पनि बढेको छ। महासंघका अनुसार चाँदी तोलामा १० रुपैयाँले बढेको हो। एक तोला चाँदी २ हजार ५०० रुपैयाँमा किनबेच भइरहेको छ।