नेपाल र बांग्लादेशबीचको खेल स्थगित

काठमाडौँ– नेपाल र बांग्लादेशबीचको दोस्रो अन्तर्राष्ट्रिय मैत्रीपूर्ण खेल स्थगित भएको छ।

देशको स्थितिलाई मध्यनजर गर्दै नेपाल र बांग्लादेशबीचको खेल स्थगित गर्ने निर्णय गरेको अखिल नेपाल फुटबल संघ (एन्फा)ले जनाएको छ। खेल दशरथ रंगशालामा भोलि साँझ ५ः३० बजे हुने तालिका थियो ।

नेपाल र बांग्लादेशबीचको पहिलो मैत्रीपूर्ण खेल शनिबार भएको थियो। सो खेल गोलरहित बराबरीमा सकिएको थियो।