कारागारबाट भागेका दुई विदेशी नागरिक पक्राउ

सीआईबीले कारागारबाट फरार भएका दुई अमेरिकी नागरिकलाई पक्राउ गरेको छ। उनीहरू बालयौन दुराचार र जबरजस्ती करणी मुद्दामा कैद भुक्तान गरिरहेका थिए।

उकालो

सोमबार, ६ असोज, २०८२

कारागारबाट भागेका दुई विदेशी नागरिक पक्राउ

काठमाडौँ– बालयौन दुराचार तथा जबरजस्ती करणी मुद्दामा कारागारबाट फरार भएका दुई अमेरिकी नागरिकलाई प्रहरीले पक्राउ गरेको छ।

नेपाल प्रहरीको केन्द्रीय अनुसन्धान ब्यूरो (सीआईबी)ले बालयौन दुराचार मुद्दामा कास्की कारागारमा कैद भुक्तान गरिरहेका माइकल नर्मन टेलर र जबरजस्ती करणी मुद्दामा काठमाडौमा कैद भुक्तान गरिरहेका जेसन लोयड सुडिलाई आज पक्राउ गरेको हो।

ब्यूरोका सहप्रवक्ता, प्रहरी नायव उपरीक्षक धर्मराज भण्डारीले माइकल जिल्ला अदालत कास्कीको आदेशले कास्की कारागारमा र जेसन जिल्ला अदालत काठमाडौँको आदेशले केन्द्रीय कारागारमा कैद भुक्तान गरिरहेको जानकारी दिए।

‘जेनजी’ प्रदर्शनका क्रममा भागेका दुवै जनालाई ब्यूरोको टोलीले सोमबार काठमाडौँ महानगरपालिका–३ महाराजगञ्जबाट पक्राउ गरी सम्बन्धित कारागारमा बुझाएको उनले बताए।
 

प्रतिक्रिया दिनुहोस !