दशैँमा घर फर्किनेहरू [तस्वीरहरू]

काठमाडौँ– दशैँ शुरू भएसँगै काठमाडौँबाट गाउँ फर्किनेहरूको संख्या दिन बढ्दै गएको छ । विद्यालय तथा कलेज बिदा भएपछि गोंगबु बसपार्कसहित अन्य स्थानमा उपत्यकाबाट बाहिरिने यात्रुको भीड देखिएको छ ।

काठमाडौँ उपत्यका ट्राफिक प्रहरी कार्यालयका प्रवक्ता प्रहरी उपरीक्षक दीपक गिरीका अनुसार घटस्थापनादेखि बुधबारसम्म करिब १ लाख ३८ हजार जनाले उपत्यका छाडिसकेका छन्।

यस वर्ष अग्रिम टिकट बुकिङ खुला नगरिए पनि एक दिनअघि टिकट लिन सकिने व्यवस्था गरिएको नेपाल यातायात व्यवसायी राष्ट्रिय महासंघले जनाएको छ । 

गोंगबु नयाँ बसपार्क, माछापोखरीस्थित धादिङ बसपार्क, कोटेश्वर, कलंकीलगायत विभिन्न चोकमा घर फर्किने यात्रुको चहलपहल छ ।