तुइन खोलामा पुनः सुक्खा पहिरो, सडक अवरुद्ध

चितवन– नारायणगढ–मुग्लिन सडकको तुइन खोलामा सोमबार पुनः सुक्खा पहिरो खसेको छ।

अपरान्ह १२ बजे खसेको पहिरोका कारण सडक दुईतर्फी अवरुद्ध भएको डिभिजन सडक कार्यालय भरतपुरले जनाएको छ। 

कार्यालयका सूचना अधिकारी कृष्ण आचार्यका अनुसार पहिरो निरन्तर झरिरहेको छ। पहिरोले सडकको ७० मिटर भाग ढाकेको छ। 

दुई वटा मेसिन प्रयोग गरेर पहिरो पन्छाउन थालिएको उनले बताए। तर पहिरो नरोकिएकाले समस्या भइरहेको उनको भनाइ छ। उक्त स्थानमा गत साता पनि पहिरो खस्दा ४८ घण्टा सडक अवरुद्ध भएको थियो।