जमरा किन्ने हो? [तस्वीरहरू]

काठमाडौँ– विजयादशमीको दिन नवदुर्गा भवानीको प्रसादको रूपमा लगाइने जमरा काठमाडौँको चोकहरूमा बिक्रीका लागि राखिएको छ।

घटस्थापनाको दिनमा घरघरमा राखिने जमरा विभिन्न कारणले घरमा राख्न नपाउनेले र राख्न नमिल्नेहरूले किन्ने गर्छन्। प्रतिटपरी १०० देखि १५० रुपैयाँसम्ममा जमरा बिक्री भइरहेको व्यापारीहरूले बताएका छन्। 

दशैँमा मान्यजनले टिका लगाइदिँदा निधारभरी रातो अक्षतासँगै कानमा पहेँला जमरा लगाइदिने चलन छ। निधारमा टिका र कानमा जमरा सिउरिनुलाई दशैँको मनाएको संकेतको रूपमा लिइन्छ। 

धार्मिक विश्वास अनुसार दुर्गा भगवतीलाई मनपर्ने भएकाले विशेषगरी जमराको रूपमा जौको प्रयोग गरिने चलन रहेको छ।