अधिक मानवीय क्षति भएको इलाममा ३२२ मिलिमिटर वर्षा

पहिरोले अधिक मानवीय क्षति भएको इलाममा बितेका २४ घण्टामा ३२२ मिलिमिटर वर्षा भएको छ।

उकालो

आइतबार, १९ असोज, २०८२

अधिक मानवीय क्षति भएको इलाममा ३२२ मिलिमिटर वर्षा
निरन्तरको वर्षासँगै गएराति आएको बाढीले क्षतिग्रस्त इलामको गजुरमुखीधामस्थित माङसेबुङ गाउँपालिका र देउमाई नगरपालिका जोड्ने देउमाई खोलाको पक्की पुल। तस्वीरः रामकुमार लिम्बू/रासस

काठमाडौँ– पहिरोले अधिक मानवीय क्षति भएको इलाममा बितेका २४ घण्टामा ३२२ मिलिमिटर वर्षा भएको छ। जल तथा मौसम पूर्वानुमान महाशाखाका अनुसार इलामका सबै केन्द्रमा २०० मिलिमिटरभन्दा बढी वर्षा भएको छ।

कन्याम र माई पोखरीमा २७६ मिलिमिटर वर्षा भएको छ। यो अति भारी वर्षा हो। 

बितेका २४ घण्टामा मोरङमा २३३, सुनसरीमा २०५, धनकुटामा १६६, धनुषामा १९२, सिन्धुलीमा २०५, सप्तरीमा १८०, रौतहटमा २०५, मकवानपुरमा २२४ मिलिमिटर वर्षा भएको छ।

बाढीपहिरोका कारण इलाममा ३७ जनाको मृत्यु भएको छ। सशस्त्र प्रहरी बलका अनुसार, सूर्योदय नगरपालिकामा ५, इलाम नगरपालिकामा ६, देउमाई नगरपालिकामा ८, फाकफोकथुम गाउँपालिकामा १, माङसेबुङ गाउँपालिकामा ३, माइजोगमाई गाउँपालिकामा ८ र सन्दकपुर गाउँपालिकामा ६ जनाको मृत्यु भएको हो।

प्रतिक्रिया दिनुहोस !